i weiss by Skuubi

I weiss so tracks gits viu u si berüere di ni/
lug i wett hie nid belehre, dasch vergnüege für mi/
wöu weni säge es git täg woni müe ha dermit/
machi so tracks u bi ni unfroh we dir füelet mit mir/
nei i gnüege mir nid, du dir wöu du flissig bish/
nur wöus dir guet geit, heisst das nid das aues easy ish/
weiss nid ob das di riifi ish, ob das villech politisch isch/
fautschi überzügig u mi das haut o mau kritisch stimmt/
gnüege argument nid, de wird gloge/
wärde de lügner gloube gschänkt, bini gschobe/
wöu dr schwecher, aber besser, leider ungeligt/
ja wöu dr schwecher sho bestumme eifach unger ligt/
u nüt ungernimmt, wöu er ungebunde wird/
u so verwunderet z intresse vude junge nid/
aso chum mit mir im zämähang zur sach/
17000 ching pro tag u das isch fakt/

lug i weiss nid was richtig ish/
weiss nid was söu/
weiss nur das wichtig ish/
du machsh, wasde söush/
wöu du darfsh, was di fröit/
u di laht, we du tröimsch/
stö gmeinsam i für d sach, we mir ändlech mau chöi/

i wett hie nid erkläre, was chönnt wichtig si, was wahr/
so dichti hie de part, wöui d richtig find dür das/
ha ke absicht weiss ja säuber nid, was richtig isch, was fautsch/
du wo viu vu freiheit redsch, verpflichtisch di u zausch/
u das hindert di ar sach, jede seit dir was richtig isch/
meint das er richtig ligt, wöu nur z eigete richtig isch/
nume z eigete wichtig isch, überzügt kresser/
i gibes zue, i säuber bi kes stück besser/
doch es würkt besser, wöu das haut o ehrlech isch/
u dasch ok, wöui die scheisse haut nid herrlech find/
schissse so uf jedi stimm, ir kriese geng wie schlimmer/
de fakte überlägä, weisch extremi gwinne immer/
extremi wirsch geng finge, ob rechts oder links/
du meinsch si löse dis problem, was fäut isch dr sinn/
pfust ufe tisch, ir kriese locke si gärn/
aber ey, dasch nur mini meinig so los uf dis härz/

• Hip Hop
• Hip-Hop. Rap
• Hip-Hop/Rap
• Rap
• ch-rap
• mundart
• rap
• Berne