eifach by Skuubi

i has nie gloubt, doch its gseni wie di zyt vergeit/
red vu dene zyte weish, woni no ha gmeint i wüss wis witter geit/
und so wie di zyt beleit, si sibe jahr passée/
skuubi lat sech gseh, weisch skuubi het o glehrt/
und ja i find das geil, bi its eine vude ganz gschyde/
eine vu de ganz ryfe, ha gluegt dasi uf dr bahn blibe/
gluegt dasi o am bau blibe, ha gliebt, glehrt u gläbt/
bi viu z hert its gschäft, ha denkt das wär ernst/
ha viu z weni grapt, das blibt hert umkämpft/
ha viu z weni denkt, gmeint sig de mi wäg/
doch aues nur dräck, wirsh dört inegstosse/
ja so akademisch, umgä vu vouidiote/
de isch vou id hose, wöu si überzügt si vur sach/
überzüg di mau klar, ohni fakte am start/
d akte so klar, du wirsch bländet weisch/
u so hauti zu mir u füele mi bländend babe/

hesh eifach denkt, das sig eifach meinsch/
nur eifach weish, ish nid eifach gseit/
wenn du eifach seisch, das haut eifach treisch/
weni eifach mein, das nid eifach geit/
itsä eifach denkt, das sig nid eifach meinsch/
ja wöu eifach weisch, haut nid eifach geit/
nur, mach dir ke müe es wär so eifach weish/
nümme mehrfach, isch besser wede eifach geisch/

ja di einte finges geil u di angere nid/
was söui mache wenni nid weiss wer di angere si/
wenni wi di angere bi, füeli mi dört inedrängt/
füele die sich o bedrängt, fragi mi ob i de läng/
ob dr anger das o denkt, gseni weni ihn erläb/
doch dasch egau, wöu mis lebe kört i mini häng/
ha kört das sige mini täg u gloub mir die si wichtig aute/
gloub nur wasi gseh u mach wasi für richtig haute/
muess haut mini richtig haute, nid für irgendöpper/
gib nid z fresse für die gseuschaft, bi nid ire köder/
für das bini z fröhlech das woni mach isch mir z wärtvou/
es geit nid ume wärt, es isch dr fakt womi wäghout/
dini gseuschaft im lärlouf, wo so säute e ahnig het/
ner wird züg glehrt vu lüt wo säuber ke ahnig hei/
säuber ke antwort hei, uf berächtigti frage/
berächtigt oder ni, i beläbe mi u mache/

• Hip-Hop. Rap
• Hip-Hop/Rap
• ch-rap
• hip-hop
• kühn
• mundart
• rap
• Berne