Parang by Lazed Nap't

Bakit "Parang"?

Dahil may iba't-ibang kahulugan ang salitang iyan, depende sa kung paano mo gagamitin.

Maaaring "parang" dahil hindi ako sigurado kung saang kategorya pumapailalim ang koleksyong ito base sa kalidad ng kinalabasang produkto. Maaaring "parang" dahil ito ang ilan sa mga naani ko sa ilang hektarya ng taniman sa loob ng imahinasyon ko. Maaring "parang" dahil testimonya ang mga salitang inaawit dito sa mga karanasan na ang tanging mga saksi ay ang aming nayon at ako.

Parang EP. Parang demo. Parang bago. Parang sineryoso. Parang seryoso. Pero kayo nang mga makikinig ang bahalang magpasya. Gusto ko lang na may mapakinggan ang mga taong gustong makinig sa mga kanta. Gusto ko lang na maalala nila 'tong mga awit na minsang naging kanilang kanta para sa "matulog nang mahimbing" o sa "magandang umaga".

Para ito sa lahat ng mga taong naniwala. Mula sa mga simpleng papuri hanggang sa ilang oras ng kuwentuhan na nagsilbing motibasyon.

Para ito sa Nanay ko na hindi napapagod manalangin para sa anak niyang hinahagad ng kumakaripas na panahon.

At higit sa lahat, para ito sa Diyos na nagpapahiram ng mga salita at mga himig na inaawit ko ngayon.

Ang mismong koleksyon ay hindi napakalaking bagay sa ngayon pero sana magsilbing paalala ito sa akin na minsan, sinikap kong kumilos at umaksyon.

Tracklist

1.	Ang Pinaka	4:41

2.	Ikaw Na	3:47

3.	KLB	4:07

4.	Unang Pag-ibig	5:02

5.	Baka Naman Kaya	4:51

Credits

released January 23, 2016

License