Embarrat from Iluro 2000.0 by Kbek

Averèi sòus tà començar eth mes ?
Averèi espèr, ath bèth miei dera nueit ?

Contravent barrat
Era lutz estupada
Eth punh sarrat
Tres arrais pera hièstra

Getà's sus eth lheit
Tarlacas ath plafon
Puta de lata qui hè mau
Lhevà's com un con

Clau sus era pòrta
Cucas per escòrta
Dromidèra hòrta
Ua hami de vomir

Mieja-sieta de pastas
Drin de sau taras hèstas
Nat jogort, nadas rèstas
Praubas cucas qui crèban

Estudiar
Entath diplòma, entar avier
Estudiar
Tad un emplèc shens interès
Estudiar
Tara consciéncia, tar espèr
Estudiar
Entad ua borsa de tres dinèrs

Estudiar
Non balha pas sòus entath sopar
Estudiar
I ar encòp que cau tribalhar
Estudiar
Har tot a miejas, amastocar
Estudiar
Diplòma en man que pòs postular

Contravent barrat
Era lutz estupada
Eth punh sarrat
Un arrai pera hièstra

Getar era saca
Bèth horat ath hons
Eras cauçuras que hèn mau
E't dòles, carronha ?

Clau sus era pòrta
Cucas per escòrta
Vomitèra hòrta
Ua hami de sortir

Ua sieta de pastas
Hromatge taras hèstas
Nat jogort, nadas rèstas
Praubas cucas qui crèban

Tribalhar
Entath loguèr, entath sopar
Tribalhar
Eth lavomatic que còsta car
Tribalhar
Tà crompar un libe, estauviar
Tribalhar
Maison i casau, que pòs revar

Brembà's
Deths estudis, deth temps passat
Brembà's
Deth casalòt qui dava minjar
Pensar
En audes lòcs, imaginats
Saunejar
Tà der avier póder escapà's

Contravent barrat
Era lutz estupada
Eths uelhs claverats
Nat arrai pera hièstra

Getà's sus eth lheit
Proba dinc ath plafon
Era puta de lata qu'a petat
Hens ua aulor a carbon

• Hip-Hop/Rap
• Rap
• Trap
• boombap
• dark
• gascon
• minority language
• Oloron Sainte Marie