Wulepuli from Wulepuli by Bahnhofbuffet Chancental

Wenn du nöd umme bisch, isch die Wohnig e Krisegebiet
Wo sogar s’Plüschtier ufm Bett langsam d’Krise schiebt
I schick Messages um di halb Welt
Säg ha dr hüt eigentlich scho verzellt, wie sehr i di lieb

Sie säged Spinne händ meh Angscht vor mer als i vor ihne
Sie säged spinnsch, bi dem grusige Wetter bliib i dinne
Isch lieb dassd frogsch, aber i glaub, es goht scho
Wenn i eifach irgendwo cha im Bode versinke

Jetzt sitz i komplett verlore im Stadtgarte umme
I ha geschter so viel gsoffe, i bi glaub hüt no betrunke
Und falls öper en Wulepuli findet, wär i froh wennr en mer churz bringed
I ha chalt

I schwör, es lit nöd a der, i schwör, i schaff a mer, i weiss, i bi müehsam
Allei im offne Meer blost de wind mer um d’Ohre und i blos Trüebsal
Sehnsucht isch e Bitch, i wünscht, i wär din Rucksack
Beschwer mi bim Kellner, nochdem i mer selber id Suppe gspuckt ha

Jetzt sitz i komplett verlore im Stadtgarte umme
I ha letscht Johr so viel gsoffe, i bi hüt no betrunke
Und falls öper en Wulepuli findet, wär i froh wennr en mer churz bringed
I ha chalt
I ha chalt

I bi en alte truurige Maa und alli lueged mi komisch aa
I bi en alte komische Maa und mengmol nöd mol da
Und i wünscht, i chönnt mi selber fixe
Aber i cha nöd emol e Glüehbire wechsle
Wie erwartisch, dass i mi selber cha fixe
Aber wenn du mi umarmsch, hani wenigschtens warm

Jetzt sitz i komplett verlore im Stadtgarte umme
I ha geschter so viel gsoffe, i bi hüt no betrunke
Und falls öper en Wulepuli findet, wär i froh, wennr en mer churz bringed
I ha chalt
I ha chalt
Und alles isch düschter, di ganz Welt verschwumme
I bi sit zäh Johr am suufe, aber nonig gnueg betrunke für da
Cha öper bitte öpis erfinde, damit dä Tag e chli schneller verschwindet
I ha chalt
I ha chalt
I ha chalt

• Alternative
• Mundartrock
• Punk
• Switzerland
• alternative rock
• autotune
• grunge
• mundart
• post-punk
• swiss german
• St. Gallen