Lamborghini from Cabalgata (LP) by Ataque Escampe

Eu tamén fun unha estrela fugaz. Dixéronme que así é como hai que chorar, coas lágrimas por dentro. Os tenis da feira, os concertos de punk, a vez que dous fulanos me intentaron roubar e só levaba tres euros. Naqueles anos de tanto saír untamos o foie-gras co DNI. Temos collido tantos autobuses. Soñei que todos estabades aquí. Chegados a este punto xa se pode dicir: aínda son un loser. Se fose o ano 93 mandaríavos cartas de papel: todo sería aínda máis verdade. Aquí me tedes, case un deus, o meu Lamborghini e mais eu. Son as consecuencias de ser fráxil. Eu tamén fun unha estrela fugaz, chamei ás profesoras de primaria mamá. Aínda teño medo da escuridade. Nina Simone no radiocasette: «For all we know we may never meet again». Do corpo non vas esperar milagres. Na vida nunca hai volta atrás: cando morres, morto estás. Agora hai que quererse máis que nunca. Os puntos todos no carné. Non corras máis, total para que. Podemos ir montar nos cabaliños.

• Alternative
• Galicia
• Santiago De Compostela
• art pop
• art rock
• blue-eyed soul
• Santiago De Compostela